سؤال السفر و السفر ف السؤال ...
الزجال علي مفتاح يحاور الزجال الكبير ادريس أمغار مسناوي ...
الجزء الأول
الجزء الأول
في رحاب ضو الحروف الزجال الكبير ادريس امغار مسناوي
السفر في السؤال او سؤال السفر
بين لمسول علي مفتاح و لمجاوب
ادريس امغار مسناوي
ادريس امغار مسناوي
علي مفتاح و سؤال السفر الاول
ألف : سؤال الليف لي واقف حسكة يمضي الحرف باش يذبح السيف
اللام : علام مغروس ف كدية الجسد ، لونه من الضو ،الا نطق يربق كلام و يشهق يسمعه لبحر يحشم الموج و يخبي صوته
جيم : جواب سابق سؤال ،
سين : سؤال مخبي ف شونه شلة جواب
الدال : الدال علينا ،منا فينا ... يهربنا الموت عليه و علينا ..." الدنيا ، الدايمة ،الدوام " هربانين منه ،و ياك منه جينا
الجسد حفنة من التراب معجون يمكن بالما ،يمكن بالريح ، يمكن بالضو
ملي روح الجسد يعانق ضوه
ملي الضو يولي روح للجسد
ملي الجسد يولي ضو من الروح و روح من الضو
فين يمكن نلقى القصيدة ؟ فالمادة | الجسد ؟ فروح المادة ؟ ف ضو روحها ؟ و لا ف روح ضوها ؟
اللام : علام مغروس ف كدية الجسد ، لونه من الضو ،الا نطق يربق كلام و يشهق يسمعه لبحر يحشم الموج و يخبي صوته
جيم : جواب سابق سؤال ،
سين : سؤال مخبي ف شونه شلة جواب
الدال : الدال علينا ،منا فينا ... يهربنا الموت عليه و علينا ..." الدنيا ، الدايمة ،الدوام " هربانين منه ،و ياك منه جينا
الجسد حفنة من التراب معجون يمكن بالما ،يمكن بالريح ، يمكن بالضو
ملي روح الجسد يعانق ضوه
ملي الضو يولي روح للجسد
ملي الجسد يولي ضو من الروح و روح من الضو
فين يمكن نلقى القصيدة ؟ فالمادة | الجسد ؟ فروح المادة ؟ ف ضو روحها ؟ و لا ف روح ضوها ؟
_________________________________________________________________________
أنا اللي عايش ف السؤال وبالسؤال وللسؤال، ها السؤال تايباغتني من جهَه أخرى دون سابق إنذار.تاتسولني ع لقصيده، ولقصيده ف حد ذاتها سؤال واش من سؤال !.يا ريتني كنت عارف فين نلقى لقصيده، كنت نمشي لها نيشان بلا ما نضيع كذا وربعين عام ونا تانجري وراها بجنون لحمق وبحماق المجنون،كنت نهزها باشفار عيني ونجيبها ونحطها قدامك روح عذرا و نهني راسي.بما أن لقصيده مجهولَه أَوْ م المجهول، غنبقى ديما تانبحث عليها فيَّ أنا المجهول.. ف لاخر اللي هو مجهول... وف المجهول اللي هو مجهول.وباش ندخل ف هذ السفر للمجهول، لا بد ما ندفع على هذ لقصيده الثمن. حتى لو ندفعُه ما تانضمن ليَّ والو، شوف واش نشم غير ريحها ماشي حتى ريحتها. ولكن آ عزيزي علي إلى بغيتني نهدر وغير نهدر باش ما نبقاش ساكت، غنهدر ونقول:لقصيده هنا... لقصيده الهيه... لقصيده كاينَه فين ما كايناش، وما كايناش فين كاينه.لقصيده راها .. راها ولكن ما تاتبانش ليَّ. لقصيده ها هي.. ها هي باينَه ولكن سراب...نخرج من ليل الروح وندخل ف نهار الروح ونقول :
لقصيده شهوة النار . حيث نارها م الجنَّه، تداوي ما تحرق. لقصيده شهوة الما(ء). ماها ف كف ثيسليت (عروسة الشتا ).
القصيده ف الضو. القصيده ضو. ضو اللي ف ضو الضو .الضو اللي ما تاينتهيش ما عندوش قاع وما عندوش سقف...إينا ضو ف الضواوات على من تانتكلم هنا بالضبط؟
الضو لبيض ؟ أو الضو لكحل؟
ضو الجسد أَوْ جسد الضو ؟
ضو الروح أَوْ روح الضو؟.الضو الدخلاني اللي ف الإنسان الدخلاني؟، أَوْ الضو البراني اللي ف الإنسان البراني ؟
اللي تانعرف ( آش عندي ما نعرف، ما نكذبش على راسي وع القراء، باقي ما شفت ف الدنيا والو، ويلا قلت تانعرف راه ما تانعرف غير ما تانشوف بعيني البرانيين، أما عيني الثالثه كلام آخر، شحال يخصني نقرا باش عاد نفتحها، ما بقى لي غير نفكر ف الرابعه ونكون يانوس).
الظلمه هي جسد و رحم لقصيده. علاش تانخافوا من الظلمه واحنا منها جينا، وليها غاديين... وفيها تانبحثوا على اللذَّه. من عمق الظلمه تانسقِوْا اللذَّه.ف قاع الظلمه .. الظلمه .. الظلمه لعميقَه ( اعماق الضو لكحل ) تاتزرع البدرَه .. تاتحط النطفَه .(منين لك بهذ البدرَه ؟ .. النطفَه؟ ). إلى كنتِ محظوظ التاريخ، ومرضي الإبداع، وبغى يطلع لك الزهر مع لكتابه وساعدوك عينيك الدخلانيين ولقيت هذ النطفَه ف اللاوعي، راها غتقضي فيه.. فيك مدَّه غير محدودَه (مدَّه تحسبها بالسنوات ماشي بالأسابيع ولا بالشهور ) قبل ما تبحث تخَرَّج « أناها العاليه « للوجود، تتنَفَّس الضو البراني وتطلق جناحها ف الفضاء الواسع واللا محدود وتاخذ اتجاه النور .. نحو اللا نهايات.
ها لساني بدا تايتسل ! وها أنا بديت تانتوَرَّط ! وهذ الشي اللي بغى علي مفتاح. |
| ادريس امغار مسناوي |
لقصيده شهوة النار . حيث نارها م الجنَّه، تداوي ما تحرق. لقصيده شهوة الما(ء). ماها ف كف ثيسليت (عروسة الشتا ).
القصيده ف الضو. القصيده ضو. ضو اللي ف ضو الضو .الضو اللي ما تاينتهيش ما عندوش قاع وما عندوش سقف...إينا ضو ف الضواوات على من تانتكلم هنا بالضبط؟
الضو لبيض ؟ أو الضو لكحل؟
ضو الجسد أَوْ جسد الضو ؟
ضو الروح أَوْ روح الضو؟.الضو الدخلاني اللي ف الإنسان الدخلاني؟، أَوْ الضو البراني اللي ف الإنسان البراني ؟
اللي تانعرف ( آش عندي ما نعرف، ما نكذبش على راسي وع القراء، باقي ما شفت ف الدنيا والو، ويلا قلت تانعرف راه ما تانعرف غير ما تانشوف بعيني البرانيين، أما عيني الثالثه كلام آخر، شحال يخصني نقرا باش عاد نفتحها، ما بقى لي غير نفكر ف الرابعه ونكون يانوس).
الظلمه هي جسد و رحم لقصيده. علاش تانخافوا من الظلمه واحنا منها جينا، وليها غاديين... وفيها تانبحثوا على اللذَّه. من عمق الظلمه تانسقِوْا اللذَّه.ف قاع الظلمه .. الظلمه .. الظلمه لعميقَه ( اعماق الضو لكحل ) تاتزرع البدرَه .. تاتحط النطفَه .(منين لك بهذ البدرَه ؟ .. النطفَه؟ ). إلى كنتِ محظوظ التاريخ، ومرضي الإبداع، وبغى يطلع لك الزهر مع لكتابه وساعدوك عينيك الدخلانيين ولقيت هذ النطفَه ف اللاوعي، راها غتقضي فيه.. فيك مدَّه غير محدودَه (مدَّه تحسبها بالسنوات ماشي بالأسابيع ولا بالشهور ) قبل ما تبحث تخَرَّج « أناها العاليه « للوجود، تتنَفَّس الضو البراني وتطلق جناحها ف الفضاء الواسع واللا محدود وتاخذ اتجاه النور .. نحو اللا نهايات.
ف شهوة الشهاده وقفت على ربعه ذ الطيور، هذ الربعه عندهم علاقه برؤيتي وفلسفتي ف الحياة، كل طير بلغتُه وبوعيه وبحسُّه، ف هذ السؤال ما غنوقفش عليهم. وانت براسك آ علي نصحتني نخلي العمل حتى يخرج مطبوع، وفهمتك مزيان، وغنعمل بنصيحتك ( ولكن راها كاينه شي حاجه منه هنا وشي حاجه اخرى باقيه غتجي).
باش ما نهربش ع الموضوع نرجع للقصيده .القصيده بنت الضو لكحل اللي ف الجسد. تانتكلم هنا ع الجسد المثقف المتفتح .. المتجدد ... الجسد الوطن .. الجسد الفضاء. . الجسد الكون..
على ذكر الفضاء ، شكون فينا اللي تايملك شويه من ثقافة الكوسموس وتايملك شويه من ثقافة السفر؟.والسؤال :
واش الجسد الطابو؟، الجسد المكبوت؟ ..
الجسد اللي كينتج ضد راسُه ؟
الجسد الأحزان والدموع والمآسي؟
الجسد القمامه ؟
الجسد المسجون، المحروم من الضو قادر يبدع ؟.جسد بلا ضو ﭼَـسْدَه ،كِف لغه بلا زجل خردَه.الجسد ما اخذاش نصيبُه ف القصيده الزجليه الحديثه كِ اخذه ف الروايه والقصَّه والمسرح والتشكيل والرقص. وهذا معيق م المعيقات اللي غيعطل القصيده الزجليه الحديثه للظهور وبالتالي مسايرة الركب الحضاري والكوني.هذا دين أخر على اكتافنا تاتسالوا لقصيده للجسد أو ربما الجسد اللي تايسالوا للقصيدة.غنسولوا بعضياتنا " شحال من جسد عندنا ؟".غنجاوبوا باستغراب : واحد.غنقول : غير واحد وغلبنا ! ما بالكم إلى قلت لكم وليَّ أن العلوم تاتأكد بأننا تانتوفروا على ربعه ذ الأجساد.
آش تسالني يا علي! وكَّلْت عليك لقصيده. كنتْ ساكت..هاني، ما بيَّ ما عليَّ حتى تسلطت عليَّ . من إينَ قصيده خرجت ليَّ ؟
لقصيده بنت الحواس الراقده .. المنسيَّه .. المجليَّه .. المجهولَه .. المقموعَه ف الجسد. الحواس اللي باقيين مع الأسف ما اكتشفناهم فينا( ما تانتكلمش هنا ع الحواس المعروفَه واللي هما خمسه).
شفتِ يا عالي حتى هذ الحواس الخمسه براسهم اللي اقرينا عليهم ف المدرسه وف الكتب راحنا ما تانستفدوش منهم، لأننا ما تانستثمروهمش، حيث ما تانعرفوهمش مزيان باش ننموا ذكاءهم بالأحرى نفتشوا ع لخرين.شكون فينا اللي تاينمِّي ذكاء حواسُه ؟ ... ذكاء جسده ؟
ذكاءنا وحواسنا مستلبين، نقولوها بلا عقدَه.
والسؤال كيف لينا نحرروهم ؟. تحرر الحواس مرهون أولاً بتحرر الجسد.كِف تحرر وتطور لقصيده مرهون بتحرر وتطور الجسد والحوس والعقل ....كان عليَّ نبدا منَّهْنا : تحرر الجسد. لأن الجسد مركز العالم ، والقصيده مركز الجسد.نتحرروا احنا أبعدَ، عاد نفكروا ف القصيده. نقولها ونسد الحوار ونخلي السؤال معلَّق حتى تجي ساعتُه الحقيقيه. ولكن ها احنا كيف العاده ديما سابقين جسدنا، باش ما نقولش مسامحين فيه.. مفرطين فيه ... ناكرينوا ...الله يسمح لينا منه !
لقصيده بنت الإنسان الدخلاني ... بنت الوعي الدخلاني ...العالم الدخلاني. قبل ما تستقبلها العوالم البرانيه وتحتفي بها.أما الإنسان البراني والوعي البراني والعالم البراني ما هما إلا وسيلَه. وهذ الوسيله أو الوسائل ( العوالم البرانيه) لا بد منهم لأنهم هما الطريق وهما المركب الفضائي و هما الغواصَه. النطفَه أو البدرَه هي منهم ولهم ، هي اللي تاتساعد الجسد ع الحمل، اللي هي أصلا فاكهة الليل ، فاكهة المعرفة الشامله والبحث المستمر والنبش ف التراث الإنساني الكوني والقراءات المتعددَه والمتنوعَه، المتفتحَه والمنفتحَه على كل الأجناس الأدبيه والفلسفيه والفنيه بكل اتجاهاتهم وانتماءاتهم.هذوا كلهم إلى عرف الواحد كيف يجمع خيوطهم، الله يقدر يفتل منهم فتيله.والإشكال هو : باش غنشعلوا هذ لفتيله اللي تعطينا الضو؟، هذ الضو اللي غيسمح لينا بالدخول لظلامنا.. لرحمنا.خصنا لوقيد والوقود أَوْ لا ، لاّ ؟.شفتِ آ علي كِ غاديه وتاتصعاب ( ما حدها تاتقاقي وهي...)
بالحق اللي تلف يشد جسده. فين الجسد الواعي _ الجسد المعنى _ اللي نشدوا فيه؟، الجسد اللي يدخل للحياة فاتح .. مفتوح؟. الجسد اللي يوضع نفسه ف خدمة الثورة الإنسانية بقيمها الجمالية ومثلها العليا. الجسد اللي تكون أناه متوحده مع رؤيته .. مع حلمه .. تكون شعلَه لوعيُه...
الجسد المسجون، المحروم من الضو قادر يبدع ؟.جسد بلا ضو ﭼَـسْدَه ،كِف لغه بلا زجل خردَه.الجسد ما اخذاش نصيبُه ف القصيده الزجليه الحديثه كِ اخذه ف الروايه والقصَّه والمسرح والتشكيل والرقص. وهذا معيق م المعيقات اللي غيعطل القصيده الزجليه الحديثه للظهور وبالتالي مسايرة الركب الحضاري والكوني.هذا دين أخر على اكتافنا تاتسالوا لقصيده للجسد أو ربما الجسد اللي تايسالوا للقصيدة.غنسولوا بعضياتنا " شحال من جسد عندنا ؟".غنجاوبوا باستغراب : واحد.غنقول : غير واحد وغلبنا ! ما بالكم إلى قلت لكم وليَّ أن العلوم تاتأكد بأننا تانتوفروا على ربعه ذ الأجساد.
آش تسالني يا علي! وكَّلْت عليك لقصيده. كنتْ ساكت..هاني، ما بيَّ ما عليَّ حتى تسلطت عليَّ . من إينَ قصيده خرجت ليَّ ؟
لقصيده بنت الحواس الراقده .. المنسيَّه .. المجليَّه .. المجهولَه .. المقموعَه ف الجسد. الحواس اللي باقيين مع الأسف ما اكتشفناهم فينا( ما تانتكلمش هنا ع الحواس المعروفَه واللي هما خمسه).
شفتِ يا عالي حتى هذ الحواس الخمسه براسهم اللي اقرينا عليهم ف المدرسه وف الكتب راحنا ما تانستفدوش منهم، لأننا ما تانستثمروهمش، حيث ما تانعرفوهمش مزيان باش ننموا ذكاءهم بالأحرى نفتشوا ع لخرين.شكون فينا اللي تاينمِّي ذكاء حواسُه ؟ ... ذكاء جسده ؟
ذكاءنا وحواسنا مستلبين، نقولوها بلا عقدَه.
والسؤال كيف لينا نحرروهم ؟. تحرر الحواس مرهون أولاً بتحرر الجسد.كِف تحرر وتطور لقصيده مرهون بتحرر وتطور الجسد والحوس والعقل ....كان عليَّ نبدا منَّهْنا : تحرر الجسد. لأن الجسد مركز العالم ، والقصيده مركز الجسد.نتحرروا احنا أبعدَ، عاد نفكروا ف القصيده. نقولها ونسد الحوار ونخلي السؤال معلَّق حتى تجي ساعتُه الحقيقيه. ولكن ها احنا كيف العاده ديما سابقين جسدنا، باش ما نقولش مسامحين فيه.. مفرطين فيه ... ناكرينوا ...الله يسمح لينا منه !
لقصيده بنت الإنسان الدخلاني ... بنت الوعي الدخلاني ...العالم الدخلاني. قبل ما تستقبلها العوالم البرانيه وتحتفي بها.أما الإنسان البراني والوعي البراني والعالم البراني ما هما إلا وسيلَه. وهذ الوسيله أو الوسائل ( العوالم البرانيه) لا بد منهم لأنهم هما الطريق وهما المركب الفضائي و هما الغواصَه. النطفَه أو البدرَه هي منهم ولهم ، هي اللي تاتساعد الجسد ع الحمل، اللي هي أصلا فاكهة الليل ، فاكهة المعرفة الشامله والبحث المستمر والنبش ف التراث الإنساني الكوني والقراءات المتعددَه والمتنوعَه، المتفتحَه والمنفتحَه على كل الأجناس الأدبيه والفلسفيه والفنيه بكل اتجاهاتهم وانتماءاتهم.هذوا كلهم إلى عرف الواحد كيف يجمع خيوطهم، الله يقدر يفتل منهم فتيله.والإشكال هو : باش غنشعلوا هذ لفتيله اللي تعطينا الضو؟، هذ الضو اللي غيسمح لينا بالدخول لظلامنا.. لرحمنا.خصنا لوقيد والوقود أَوْ لا ، لاّ ؟.شفتِ آ علي كِ غاديه وتاتصعاب ( ما حدها تاتقاقي وهي...)
بالحق اللي تلف يشد جسده. فين الجسد الواعي _ الجسد المعنى _ اللي نشدوا فيه؟، الجسد اللي يدخل للحياة فاتح .. مفتوح؟. الجسد اللي يوضع نفسه ف خدمة الثورة الإنسانية بقيمها الجمالية ومثلها العليا. الجسد اللي تكون أناه متوحده مع رؤيته .. مع حلمه .. تكون شعلَه لوعيُه...
جسد اللي ينتصر للقصيده الحياة .. للحياة القصيده؟.فين اللغه ؟ ... وفين الفكر ؟.. وفين الخيال ؟ ... وفين الأحاسيس ؟ ... وفين الرؤيه ؟ ... والرؤيا ؟ وفين ... وفين اللغه .. اللغه .. اللغه... ؟؟؟
شكون فينا اللي تايفكر ف تخصيب هذ الشي اللي ذكرت أو غير شي حاجه منهم ؟.غتقول لي " واحنا دابا آش تانعملوا ؟".غنقول لك بكل تلقائيه، الأغلبيه السحيقه فينا تايكتبوا. وما دمنا غير تانكتبوا راحنا باقيين بعاد ع القصيده المنشودَه. حيث القصيده هي اللي تاتكتب مولاها إلى لقَتُه خصب وعنده رحم قابل للحمل والإنجاب.ونا يا علي !، آش نقول على هذ السفر اللي رمني فيه سؤالك ؟
يعجبني نرجع بك اللور شويه ونذكرك بآش قلت هذي سنين :
_ ف "الواو" (95) قلت ف أحد النّصوص :
شكون فينا اللي تايفكر ف تخصيب هذ الشي اللي ذكرت أو غير شي حاجه منهم ؟.غتقول لي " واحنا دابا آش تانعملوا ؟".غنقول لك بكل تلقائيه، الأغلبيه السحيقه فينا تايكتبوا. وما دمنا غير تانكتبوا راحنا باقيين بعاد ع القصيده المنشودَه. حيث القصيده هي اللي تاتكتب مولاها إلى لقَتُه خصب وعنده رحم قابل للحمل والإنجاب.ونا يا علي !، آش نقول على هذ السفر اللي رمني فيه سؤالك ؟
يعجبني نرجع بك اللور شويه ونذكرك بآش قلت هذي سنين :
_ ف "الواو" (95) قلت ف أحد النّصوص :
" أنا فالصّف اللي بعد ... بعد اللخر "._
وف "قوس النّصـ " (96) قلت :
وف "قوس النّصـ " (96) قلت :
وسط الواد أنا.
يمكن نرجع ، يمكن نقطع ،
أوْ يمكن تجي حملَه و تجرني
أوْ يمكن تجي حملَه و تجرني
لا حد فيكم شاف، لا حد سمع .
_ وف "كنّاش المعاش"(97) قلت:
لقصيده عندي عمّرها ما غتبدا
واللي بيَّ أنا عمرُه ما يهدا.
الرحله اكلت من عمري اكثر من ربع قرن
وباقي جبحي ما جنى ولا شهده وحده._وف "مجاج الرِّيح" ( 98 ) قلت:
قلت كل شي ف والو،
وما قلت والو ف كل شي...
كيف عجبني نرجع بك شويه اللور، يعجبني نوقفك بك ف حاضر المستقبل، ف نهار العين، نقطف لك من "بـخ الورد" ثلاثه ذ الشظايا ( ديوان غيصدر ف شهر أكتوبر 2010م) :
* * *أنا عاد غنقول باسم الله ف لكتابه
قبل ما تعطوني لمداد
اعطوني الضو
* * *جوج كلمات ونبدا لَكْتابه : تفقَّسني الشمس.
* * *جوج خطوات وتضحك الورقَه: نكون شرقَه.
* * *
حتى نتلاقاوا ف طريق اللي تدِّي للقصيده. نقول لك ونقول للقراء : يد الضو تاتصنع الإنسان ويمكن تصنع من هذ الإنسان مبدع إنساني، وهو أسمى مقام تانحلم به شخصيا.خلوني نحلم ما دامت طريق الزجل تاتلاقيني مع اللي حاملين سؤال وتايخدموا الزجل.
كيف عجبني نرجع بك شويه اللور، يعجبني نوقفك بك ف حاضر المستقبل، ف نهار العين، نقطف لك من "بـخ الورد" ثلاثه ذ الشظايا ( ديوان غيصدر ف شهر أكتوبر 2010م) :
* * *أنا عاد غنقول باسم الله ف لكتابه
قبل ما تعطوني لمداد
اعطوني الضو
* * *جوج كلمات ونبدا لَكْتابه : تفقَّسني الشمس.
* * *جوج خطوات وتضحك الورقَه: نكون شرقَه.
* * *
حتى نتلاقاوا ف طريق اللي تدِّي للقصيده. نقول لك ونقول للقراء : يد الضو تاتصنع الإنسان ويمكن تصنع من هذ الإنسان مبدع إنساني، وهو أسمى مقام تانحلم به شخصيا.خلوني نحلم ما دامت طريق الزجل تاتلاقيني مع اللي حاملين سؤال وتايخدموا الزجل.
ما دامت تاتلاقيني مع ما احسن مني ، تانقصد: أولياء الإبداع الصالحين : أوليائي.
ما يمكن لي إلا نسعد ونحلم بالقصيده وبأشياء أخرى جميله جايَّه ما في ذلك شك. جايبها سؤال الجسد .. جسد السؤال ، جسد لقصيده.. وقصيدة الجسد ، ضو القصيده .. قصيدة الضو ...ادريس أمغار مسناوي
: 03 / 09/ 2010 م تيفلت
: 03 / 09/ 2010 م تيفلت
علي مفتاح و سؤال السفر الثاني
الا نقول راني سايرت خيط الضو لي به كتبت جوابك ،
الا نقول بخيط ضوك قلت يمكن نكتب جوابي
راني غير ضيف ع الضو ، يدخل عندي مضوي ...يشعلني فهامة بها نفهمني و نفهمك كلامك كبير و ضوي أنا صغير ...و غير خودني على قد ضوي ...ضوي ف دواخلي مشعلني سؤالات سمح لي يا شيخي و شيخ الضو ،و راه انت عارف ، ما حاس بمزود السؤال غير لي ف دواخله شاعل .
قلت نقسم معاك البركة ف خلوة السؤال ،و من سؤال لسؤال ،يمكن نفهمني كجسد ،
جسد عاقل او لا غير عاقل ؟ التاريخ ...،نعم التاريخ هو لي تيعطي التقييم الموضوعي على عقلانية جسدي او العك .واش الجسد العاقل هو لي كيغير التاريخ ؟ و قبل من هذا الشي كله، ملي تنقولوا " الجسد العاقل " واش الجسد لي تيوعى جسده كيتعامل معاه بحس عقلي ؟ و ف كلامنا على هذا الجسد العاقل ،كنشوفوا فيه كونه مركب من عدة اشياء اخرى كتضاف لعقلانيته باش تيصبح عنده المقدرة و القدرة على التوقيع او تغيير التاريخ . و من هذه الاشياء " الحواس " لي هي كتترجم الفعل العقلي للجسد ، التوظيف العقلي او غير العقلي هي لي كتعطي التقييم الحقيقي لعقلانية الجسد او العكس .
واش من هذه الخلاصة نقدر نقول ان " الجسد العاقل " يمكن يصبح جسد غير عاقل الا ما وعاش "الوعي" حواسه الوعي العقلاني ؟
" الجسد العاقل" لي كيغير التاريخ ،كيختار نمط معقلن من السلوك ،
اختيار اللغة سلوك ، كتختالف درجة عقلانيته من جسد لجسد اخر ( لغة انسان مثقف ماشي هي لغة انسان امي (
فاللغة مكتوبة و لا منطوقة او شفهية ، تتعكس الصورة الحقيقية لهذا الجسد ، سلوك هذا الجسد ، وعي هذا الجسد ، اخلاق هذا الجسد
و طبعا هذه المسألة تتوصلنا الى خلاصة ان كل جسد فيه مركبات كثيرة من اجساد كتختلف بينها و بين بعضها ،هناك جسد سلوكي اخلاقي ،جسد لغوي تيتبع ف لغته السلوك و درجة الوعي بالجسد و بلغة هذا الجسد .نضيف شيء اخر هو ان الجسد ف علاقته بلغته كيعطينا اجساد مختلفة داخل الجسد الواحد ، فمثلا " فلان " معروض لامسية ثقافية ، ماشي هو نفسه الا القى خطاب سياسي .
سؤال محيرني تحيار ، هو علاقة الاسم لي تيحمله هذا الجسد ( كنتكلم هنا على ديما على الجسد العاقل ) و علاقتهم بزوج بالتاريخ ؟
الكل كيعرف بلي الجسد كمادة هو فان ،الا كان هذا الجسد عاقل ،بمعنى انه فاعل ف التاريخ ،كيمشي الجسد الشكل دياله و صوراته المختلفة ،و ما كيبقى غير الاسم ،غ نوصلو لواحد المعادلة قريبة للجنون :الجسد هو سابق للوجود على الاسم دياله ،أي كيخرج الجسد من رحم جسد اخر ، كنعطيوه اسم " فلان " ، لكن فانتقاله من الحياة للموت كيذوب الجسد|المادة ،و كيتلخص وجوده ف الدنيا ف اسم ،فالجسد في وجوده الاولي كيعمل باش يبقى اسمه حاضر و خالد ، و ربما هذه الشي علاش كل واحد منا كيفضل يكون اسمه خاص به وحده .
واش الاسم هو حياة لما بعد الجسد؟ او حياة لهذا الجسد بعد موته ؟
واش الاسم هو التقييم السلوكي لجسدي ف الحياة و ما بعد الحياة ؟
و هنا يمكن نتكلموا على اسم عاقل و اسم غير عاقل ،اسم فاعل و اسم غير فاعل
اسم الخالد و الاسم لي تيموت مع مولاه| جسده
ربما هذه الشي علاش الفراعنة كانوا كيخلدوا الجسد بالتحنيط ،
اولا كما فعل الشيوعيون مع جسد لينين
يمكن ساليت سؤالي اليوم
قلت مع راسي سميَّة ما بحال سميَّة
و الا وصلني جوابك ...سعدات جسدي بيَّ .
______________________________________________________________________________
السؤال الثاني في السفر او السفر الثاني في السؤال
 |
| ادريس امغار مسناوي |
أنا أمام مداخله ، أَوْ بعبارة أخرى أمام سيل من التساؤلات الحيَّه الهادفَه. تساؤلات جات تثري النقاش وتدفع به نحو العمق بقدر ما تاتدفع به نحو الأفق. ونا شاد الطريق مع السايلني، واحنا تانتجاذبوا أطراف السفر تاندرك أنه كلما كانت التساؤلات مركزَه كلما تحفز القارئ يبحث على أجوبَه ممكنَه صالحَه لهذ الزمن، نافعَه للمستقبل، أجوبه اللي تدفعوا هو بدوره يسول ويتساءل .. يستخرج .. يولَّد تساؤلات أخرى.لذا احنا مطالبين بخلق تعاقد مع قارئ مغامر اللي يشد معنا الطريق ، اللي يشد بيدينا ونشدوا بيديه. قارئ اللي نشدوا فيه ويشد فينا. وهذي هي الغايه الساميه من هذ السفر، وهو ما تانآمن به ف مسيرتي الثقافيه الجد متواضعَه ونا تانقرا كتاب أو قصيده أو تانتَبَّع مداخله أو تانتصَنَّت لقراءه شعريه.السؤال ضو ، وانت قلتها "ضوي ف دواخلي مشعَّلني سؤالات " و يمكن يكون العكس ، يكونوا السؤالات هما اللي مشعلين دواخلنا ضو.المهم، شركتِ معايا طريق السؤال .. ضو السؤال واحنا تانتقاسموا ما قسَّم علينا الإبداع من بركته.باربي دوريفيلي تايسول "شكون هو ع العموم المسافر ؟". وهو نفسه تايجاوب على سؤاله "المسافر هو إنسان تايمشي يبحث على طرف م الحديث ف نهاية العالم ".ابن سيرين تايفسّر السفر ف الأحلام بأنه تايدل ع الانتقال من حال لحال. وتايضيف كذلك بأنه تاينبّأ بتغيير ف الحال والحظ. مثلنا المغربي الأندلسي تايقول: رْجل ف الجْبل أخير من رجل ف لَكبل.يالله يا علي عوَّلنا على السفر . تبدال لمنازل راحَه. سفرنا سفر ف واقع حي.. سفرنا سفر ف زمن متحرك .. سفرنا سفر ف أمكنَه متجدده ...سفرنا ما هواش سفر عوليس ولا سفر ذو يزان ولا سفر سندباد . سفرنا هو سفر زجلي ف جسد زجلي متطور .. متفتح ...
سفر تاننتظروا منه يخلق المفاجأه والصدمَه .. تانسعاوا منه يقرَّبنا م الأهداف الحيَّه ..يقرَّبنا منا ..ربما تكون الغايه لكبيره منه هو يخرَّج الجسد م الجحيم.جسد اللي يدخل ف فنطازية المخيله وينطلق لمعانقة المطلق ..لاستكشاف حياة أفضل ..طقوس أجمل.امشي ف الليل بالفنار وإلا ف النهار بالسحاب. تايقول لك مثلنا الشعبي المغربي.المستقبل ملك للجميع.ولكن واش فكرت فيَّ مزيان ؟
أنت اللي راكب درّاجَه هوائيه ( نقول فضائيه ) واش فكرت في أنا اللي غادي على رجلي؟.بالحق غنعمل بما قاله جلال الدين الرومي ونشد الطريق واللي ليها ليها . ويلا شفت الأمور ماشي هي هذك، عارف ما ندير:
اذا كنتَ تبغي الخطوة باللؤلؤة
فارحل عن الداخل
وطوف في البحار
وحتى إن لم تجدها
فأنت على الأقل
قريب من الماء .
ف كناش التعاويد تكلمتْ على السفر ف اللغه والسفر ف الكتابه والسفر ف الكون والسفر ف الزجل والسفر ف الذات والسفر ف المستقبل والسفر ف الموت.....ونا الآن داخل مغامرَه أخرى مع أسفار اخرين : السفر ف الجسد بالجسد...السفر ف الزجل للزجل .. السفر ف المستقبل للمستقبل... ف هذ السفر حاولتِ تشرك معنا القارئ بقدر ما تاتحاول تجعلني نتكلم باش نهرسوا السكات أَوْ النّاب، ونقصروا طول المسافه وما نحسوش بعناء الطريق... بغيتني نقول شي حاجه. المهم ما نبقاش ساكت ، نهدر، نكشف لك على ذاك الشي اللي تانبحث عليه، ذاك الشي اللي أنا تانسعاه ف رحيلي وترحالي، ذاك الشي اللي ساكن دواخلي...الشاغلني ف تأملاتي ...أنت بصراحَه بغيت تعرف ضوي اللي تانفتش عليه، آش تايعني؟ ومن أي نوع هو؟ واش من سر فيه ؟...أنت تاتعرفني صموت... تانفضل الإنصات والتأمل والسفر مع الخيال. صحيح أنني تانفضل نخلي الخيال هو اللي يهدر، حيث الخيال ديما عنده ما يقول. ما نخبيش عليك ف الصمت ومع الخيال تانلقى هدايتي للضو... غتسولني فين الضو؟
الضو هو فين ما وليت وجهك ف هذ الكون الواسع فثمَّه الضو اللي تانبحث عليه وتايبحث علينا.إينا ضو ف الضواوات؟
ضو السؤال اللي ساكنك وساكن لاخر ... ولاخر....خلينا ف السفر، يمكن نعثروا ع الجواب ف شي جهَه من هذ العالم .أنت يا السايلني تاتبحث على نقاش اللي يجعلنا نكلموا الجوانب المسكوت عنها ف اللغه ... ف الإبداع ... ف الجسد. نقاش اللي يدفعنا نكشفوا ع المحظور ف التاريخ ..ف لكتابه. النقاش اللي يخَرَّجنا م البوثقَه اللي محاصرين فيها انفسنا حتى نتمكنوا نخترقوا ما لا يخترق لاسكتشاف عوالم جديده ، نجعلوا الحلم يشرق ف سماء الزجل والكلمه تتعلا وهي تاتزجل ف الأفق واحنا تانغنوا معها الحياة...لكن هذا كله ما يمكن يتم ف نظري إلا بواسطة جسد ناري شمسي. وما دمنا تانملكوا هذ الجسد الطاقه الهائله تانعتقد قادرين نخوضوا هذ السفر لأبعد حد....الجسد هو واحد من هذ الأبواب الرئيسية أَوْ هو القنطره الرئيسيه اللي تاتسمح لينا بالمرور للجهَه الأخرى ، هو المطيَّه وهو الراكب نحو المستقبل اللي ف ملك الجميع.الجسد تايبقى دائما وأبدا هو المبتدأ وهو الخبر بكل معانيه وبكل تجلياته. وبما أننا تورطنا بما فيه الكفايه ف أسئلة الجسد،( تانقول أسئلة الجسد وما تانقولش أجوبة الجسد ) يعجبني ننتقل معك ف هذ سفر الأسئله وأسئلة السفر لموضوع عنده صلَه مباشرَه بالجسد، وهذا الانتقال ما غيبعدناش على المحور بقدر ما غيفتح لينا نافدَه أخرى للإطلالَه على خبايا الجسد. تاتساءل : واش الجسد العاقل هو اللي كيغير التاريخ ؟
العاقل !.ما المقصود بالعاقل ؟
كن معايا واضح يا السايلني. العاقل ف لغتنا الدارجه عنده مدلولين. اللول تايعني المفكر، والثاني تايعني الذاكره. تانقولوا واش عقلت ؟ .. واش تاتعقل ؟. بمعنى هل تتذكر؟
لكن مهما يكون جوابك ، احنا ما تانقصدوا لا اللول لا الثاني. أحنا تانقصدوا الجسد العاقل الشيزوفريني.. أو الجسد الشيزوفريني العاقل.الجسد المتحدي ـ المجنون... الجسد لمألَّه... الجسد لمشيطن... الجسد الجن... الجسد الملائكي... الجسد المقدس..نقدروا نقطعوا جزء من هذ السفر إلى اتفقنا بأننا كلنا شيزوفرينيين. باعترافنا هذا، على الأقل، غنكونوا بدينا تاندركوا بأننا كلنا تانملكوا جسد بجوج ريوس،أو أجساد بجوج ريوس، ولا غرابَه يكون تايصدر بوعي أو بغير وعي ف لغتنا اليوميه وممارستنا الحياتيه والاجتماعيه مثل هذ الاعتراف، حيث ف سياق كلامنا تايجي ديما : واحد الراس تايقول لي كذا وواحد الراس تايقول لي كذا...( ما تانقصدش هنا جسد لمخلوق خرافي أسطوري). جوج ريوس تانقصد بهم : راس تايكمل راس ، راس تاينبَّه راس، راس تايناقش.. تايساءل ..تاينتقد راس . حيث راس واحد ما كافيش، ويد وحدَه ما كافياش. أو بعباره أخرى راس واحد ما تايفكرش، ويد وحده ما تاتصفَّقش ، و رجل وحده ما .....بما أننا عندنا جوج ريوس، السؤال هو : بأي راس تانكتبوا ؟ أو تانتكتبوا ؟.كيف ما جا الجواب ، احنا ف لكتابه أكثر شيزوفرينيين.ولكن قبل ما نطيحوا ف هذ الواد ونطلعوا معه، بغيت نعرف وقت آش تايكون الجسد جسد؟
واش حين تايتحرر من صاحبه؟ ..أي ملي تايتخلص م القيود المفروضَه عليه؟
أو ملي تاينصاع للقيود ؟، أي حين تايكون مطيع لسلوكات خارجيه أو مركبات داخليه مكتسبه؟. بمعنى أخر، واش ف خضوعه تايكون جسد؟ .. أو تايكون جسد ف تمردُه كما حصل ل ليلث مع آدم ، اللي رفضت يكون جسدها تحت جسده وهي تاتقول علاش ما يكونش جسدها هي اللي فوق جسد آدم؟.أوْ هو الوصول إلى مقام نرفانا كما هو الشأن عند البوديين؟ . هذ المقام اللي تايعني عدم التعلق بأي شيء فهذ الدنيا لأنها زايله من ثمه التخلص م الجسد اللي تايتعتبر قبر خاص بعظام الموتى كما حصل للبودي الروسي انچيلوف حيث بعد 75 عام من تخلصه من جسده تايبقى هذ الجسد ف حالة جيده كأنه مات البارح . أمر حير العلماء والأطباء.فعلا سر هذ الجسد هو أمر أكثر من محير ...أو تايكون جسد ف تألّهه كما حصل ل فريني ف اليونان القديمه اللي أدَّعت بالألوهية، ولما استدعاوها الحكام للأنتربوليس يسمعوا لها قبل ما يحكموا عليها بالإعدام أو بالنفي، كتصدمهم وهي تاتوقف قدامهم، عوض تتراجع على ادِّعاءها وتطلب العفو تعرَّت أمامهم باش تبين أن جمال جسدها فعلا هو جمال إلهه، الشي اللي خلي الحكام يتراجعوا على موقفهم.والتساؤل واش معنى جمال الجسد أَوْ عراه _ نفضل نقول سحر الجسد ( شاعرية الجسد) _ تايساوي الألوهيه ؟. جا فالكُتُب السماويه أن الله خلق الإنسان ف صورته. وبما أن صورة الإنسان هي جسده واش ماشي طبيعي يسترجع الجسد أولوهيته ؟ أو ع الأقل شاعريته ؟
إلى كان الصوفي اهتم بالبدن، لا غرابه يكون زجال مغربي اهتم بالجسد زجليا.لكن ، لا بد من تنبيه باش ما نتقراش غلط. الجسد اللي تايهمني حاليا وشاغلني أكثر هو الجسد الشاعري أو شاعرية الجسد وليس جسد الشاعر أو الفنان.الجسد المايه = القصيده...الجسد الشعري أو الشاعري....وليس الجسد الإيروتيكي أو جسد البورنو.
Un corps poème ou corps poétique
Que je puisse dire par exemple : ce corps est un vrai poème
واش ماشي على هذا جاتنا لوصايه ف كتاب سفر الأنوار اللي تاتقول: لا تلصق العار بجسدك ".يعجبني نرجع مرَّه اخرى ونتساءل :كيف تانفهموا شاعرية الجسد ؟ كيف تانشوفوا الجسد الشاعري أَوْ الجسد المايَه القصيده ؟.أبعدَ ما المقصود بشاعرية الجسد أو بالجسد الشاعري أو الجسد المايه؟. وحدهم ، نعم وحدهم الفنون ( كل الفنون ) يقدروا يجاوبوا على هذ التساؤل. لأن الجسد الشاعري تايستمد ثقافتُه وسحرُه بالدرجه الأولى م الفنون أَوْ من أحد الفنون على الأقل.لكن إلى اطلقت لساني وقلت : الجسد المايَه هو الجسد المقدس اللي تايحافظ على كرامتُه وهو تايطور كراماته. الجسد اللي قادر يتدخل ف الأرصاد الإجتماعيه والسياسيه والإبداعيه.هو الجسد المتعايش مع الطبيعه ولمعيَّش الطبيعه ..الجسد الغازي للفضاء ..لمأهل لحياة ف كوكب أَوْكواكب أخرى .الجسد الشاهد .. الجسد المحب لأخيه الجسد .. الجسد المنصف للإبداع ألإنساني.. الجسد المخلص للتارخ .. الجسد الوفي لرسالته الكونيه..الجسد الإنساني...الجسد الحياة.
سفر تاننتظروا منه يخلق المفاجأه والصدمَه .. تانسعاوا منه يقرَّبنا م الأهداف الحيَّه ..يقرَّبنا منا ..ربما تكون الغايه لكبيره منه هو يخرَّج الجسد م الجحيم.جسد اللي يدخل ف فنطازية المخيله وينطلق لمعانقة المطلق ..لاستكشاف حياة أفضل ..طقوس أجمل.امشي ف الليل بالفنار وإلا ف النهار بالسحاب. تايقول لك مثلنا الشعبي المغربي.المستقبل ملك للجميع.ولكن واش فكرت فيَّ مزيان ؟
أنت اللي راكب درّاجَه هوائيه ( نقول فضائيه ) واش فكرت في أنا اللي غادي على رجلي؟.بالحق غنعمل بما قاله جلال الدين الرومي ونشد الطريق واللي ليها ليها . ويلا شفت الأمور ماشي هي هذك، عارف ما ندير:
اذا كنتَ تبغي الخطوة باللؤلؤة
فارحل عن الداخل
وطوف في البحار
وحتى إن لم تجدها
فأنت على الأقل
قريب من الماء .
ف كناش التعاويد تكلمتْ على السفر ف اللغه والسفر ف الكتابه والسفر ف الكون والسفر ف الزجل والسفر ف الذات والسفر ف المستقبل والسفر ف الموت.....ونا الآن داخل مغامرَه أخرى مع أسفار اخرين : السفر ف الجسد بالجسد...السفر ف الزجل للزجل .. السفر ف المستقبل للمستقبل... ف هذ السفر حاولتِ تشرك معنا القارئ بقدر ما تاتحاول تجعلني نتكلم باش نهرسوا السكات أَوْ النّاب، ونقصروا طول المسافه وما نحسوش بعناء الطريق... بغيتني نقول شي حاجه. المهم ما نبقاش ساكت ، نهدر، نكشف لك على ذاك الشي اللي تانبحث عليه، ذاك الشي اللي أنا تانسعاه ف رحيلي وترحالي، ذاك الشي اللي ساكن دواخلي...الشاغلني ف تأملاتي ...أنت بصراحَه بغيت تعرف ضوي اللي تانفتش عليه، آش تايعني؟ ومن أي نوع هو؟ واش من سر فيه ؟...أنت تاتعرفني صموت... تانفضل الإنصات والتأمل والسفر مع الخيال. صحيح أنني تانفضل نخلي الخيال هو اللي يهدر، حيث الخيال ديما عنده ما يقول. ما نخبيش عليك ف الصمت ومع الخيال تانلقى هدايتي للضو... غتسولني فين الضو؟
الضو هو فين ما وليت وجهك ف هذ الكون الواسع فثمَّه الضو اللي تانبحث عليه وتايبحث علينا.إينا ضو ف الضواوات؟
ضو السؤال اللي ساكنك وساكن لاخر ... ولاخر....خلينا ف السفر، يمكن نعثروا ع الجواب ف شي جهَه من هذ العالم .أنت يا السايلني تاتبحث على نقاش اللي يجعلنا نكلموا الجوانب المسكوت عنها ف اللغه ... ف الإبداع ... ف الجسد. نقاش اللي يدفعنا نكشفوا ع المحظور ف التاريخ ..ف لكتابه. النقاش اللي يخَرَّجنا م البوثقَه اللي محاصرين فيها انفسنا حتى نتمكنوا نخترقوا ما لا يخترق لاسكتشاف عوالم جديده ، نجعلوا الحلم يشرق ف سماء الزجل والكلمه تتعلا وهي تاتزجل ف الأفق واحنا تانغنوا معها الحياة...لكن هذا كله ما يمكن يتم ف نظري إلا بواسطة جسد ناري شمسي. وما دمنا تانملكوا هذ الجسد الطاقه الهائله تانعتقد قادرين نخوضوا هذ السفر لأبعد حد....الجسد هو واحد من هذ الأبواب الرئيسية أَوْ هو القنطره الرئيسيه اللي تاتسمح لينا بالمرور للجهَه الأخرى ، هو المطيَّه وهو الراكب نحو المستقبل اللي ف ملك الجميع.الجسد تايبقى دائما وأبدا هو المبتدأ وهو الخبر بكل معانيه وبكل تجلياته. وبما أننا تورطنا بما فيه الكفايه ف أسئلة الجسد،( تانقول أسئلة الجسد وما تانقولش أجوبة الجسد ) يعجبني ننتقل معك ف هذ سفر الأسئله وأسئلة السفر لموضوع عنده صلَه مباشرَه بالجسد، وهذا الانتقال ما غيبعدناش على المحور بقدر ما غيفتح لينا نافدَه أخرى للإطلالَه على خبايا الجسد. تاتساءل : واش الجسد العاقل هو اللي كيغير التاريخ ؟
العاقل !.ما المقصود بالعاقل ؟
كن معايا واضح يا السايلني. العاقل ف لغتنا الدارجه عنده مدلولين. اللول تايعني المفكر، والثاني تايعني الذاكره. تانقولوا واش عقلت ؟ .. واش تاتعقل ؟. بمعنى هل تتذكر؟
لكن مهما يكون جوابك ، احنا ما تانقصدوا لا اللول لا الثاني. أحنا تانقصدوا الجسد العاقل الشيزوفريني.. أو الجسد الشيزوفريني العاقل.الجسد المتحدي ـ المجنون... الجسد لمألَّه... الجسد لمشيطن... الجسد الجن... الجسد الملائكي... الجسد المقدس..نقدروا نقطعوا جزء من هذ السفر إلى اتفقنا بأننا كلنا شيزوفرينيين. باعترافنا هذا، على الأقل، غنكونوا بدينا تاندركوا بأننا كلنا تانملكوا جسد بجوج ريوس،أو أجساد بجوج ريوس، ولا غرابَه يكون تايصدر بوعي أو بغير وعي ف لغتنا اليوميه وممارستنا الحياتيه والاجتماعيه مثل هذ الاعتراف، حيث ف سياق كلامنا تايجي ديما : واحد الراس تايقول لي كذا وواحد الراس تايقول لي كذا...( ما تانقصدش هنا جسد لمخلوق خرافي أسطوري). جوج ريوس تانقصد بهم : راس تايكمل راس ، راس تاينبَّه راس، راس تايناقش.. تايساءل ..تاينتقد راس . حيث راس واحد ما كافيش، ويد وحدَه ما كافياش. أو بعباره أخرى راس واحد ما تايفكرش، ويد وحده ما تاتصفَّقش ، و رجل وحده ما .....بما أننا عندنا جوج ريوس، السؤال هو : بأي راس تانكتبوا ؟ أو تانتكتبوا ؟.كيف ما جا الجواب ، احنا ف لكتابه أكثر شيزوفرينيين.ولكن قبل ما نطيحوا ف هذ الواد ونطلعوا معه، بغيت نعرف وقت آش تايكون الجسد جسد؟
واش حين تايتحرر من صاحبه؟ ..أي ملي تايتخلص م القيود المفروضَه عليه؟
أو ملي تاينصاع للقيود ؟، أي حين تايكون مطيع لسلوكات خارجيه أو مركبات داخليه مكتسبه؟. بمعنى أخر، واش ف خضوعه تايكون جسد؟ .. أو تايكون جسد ف تمردُه كما حصل ل ليلث مع آدم ، اللي رفضت يكون جسدها تحت جسده وهي تاتقول علاش ما يكونش جسدها هي اللي فوق جسد آدم؟.أوْ هو الوصول إلى مقام نرفانا كما هو الشأن عند البوديين؟ . هذ المقام اللي تايعني عدم التعلق بأي شيء فهذ الدنيا لأنها زايله من ثمه التخلص م الجسد اللي تايتعتبر قبر خاص بعظام الموتى كما حصل للبودي الروسي انچيلوف حيث بعد 75 عام من تخلصه من جسده تايبقى هذ الجسد ف حالة جيده كأنه مات البارح . أمر حير العلماء والأطباء.فعلا سر هذ الجسد هو أمر أكثر من محير ...أو تايكون جسد ف تألّهه كما حصل ل فريني ف اليونان القديمه اللي أدَّعت بالألوهية، ولما استدعاوها الحكام للأنتربوليس يسمعوا لها قبل ما يحكموا عليها بالإعدام أو بالنفي، كتصدمهم وهي تاتوقف قدامهم، عوض تتراجع على ادِّعاءها وتطلب العفو تعرَّت أمامهم باش تبين أن جمال جسدها فعلا هو جمال إلهه، الشي اللي خلي الحكام يتراجعوا على موقفهم.والتساؤل واش معنى جمال الجسد أَوْ عراه _ نفضل نقول سحر الجسد ( شاعرية الجسد) _ تايساوي الألوهيه ؟. جا فالكُتُب السماويه أن الله خلق الإنسان ف صورته. وبما أن صورة الإنسان هي جسده واش ماشي طبيعي يسترجع الجسد أولوهيته ؟ أو ع الأقل شاعريته ؟
إلى كان الصوفي اهتم بالبدن، لا غرابه يكون زجال مغربي اهتم بالجسد زجليا.لكن ، لا بد من تنبيه باش ما نتقراش غلط. الجسد اللي تايهمني حاليا وشاغلني أكثر هو الجسد الشاعري أو شاعرية الجسد وليس جسد الشاعر أو الفنان.الجسد المايه = القصيده...الجسد الشعري أو الشاعري....وليس الجسد الإيروتيكي أو جسد البورنو.
Un corps poème ou corps poétique
Que je puisse dire par exemple : ce corps est un vrai poème
واش ماشي على هذا جاتنا لوصايه ف كتاب سفر الأنوار اللي تاتقول: لا تلصق العار بجسدك ".يعجبني نرجع مرَّه اخرى ونتساءل :كيف تانفهموا شاعرية الجسد ؟ كيف تانشوفوا الجسد الشاعري أَوْ الجسد المايَه القصيده ؟.أبعدَ ما المقصود بشاعرية الجسد أو بالجسد الشاعري أو الجسد المايه؟. وحدهم ، نعم وحدهم الفنون ( كل الفنون ) يقدروا يجاوبوا على هذ التساؤل. لأن الجسد الشاعري تايستمد ثقافتُه وسحرُه بالدرجه الأولى م الفنون أَوْ من أحد الفنون على الأقل.لكن إلى اطلقت لساني وقلت : الجسد المايَه هو الجسد المقدس اللي تايحافظ على كرامتُه وهو تايطور كراماته. الجسد اللي قادر يتدخل ف الأرصاد الإجتماعيه والسياسيه والإبداعيه.هو الجسد المتعايش مع الطبيعه ولمعيَّش الطبيعه ..الجسد الغازي للفضاء ..لمأهل لحياة ف كوكب أَوْكواكب أخرى .الجسد الشاهد .. الجسد المحب لأخيه الجسد .. الجسد المنصف للإبداع ألإنساني.. الجسد المخلص للتارخ .. الجسد الوفي لرسالته الكونيه..الجسد الإنساني...الجسد الحياة.
الجسد المحترَم والمحترِم ...
* * * * * ترتِ كذلك تساؤل علاقة الكتابه بالخلود الفناء .. الخلود أو البقاء أو الدورَه، أو العودَه الأبديه، هذ الموضوع اخذ مني صفحات ف شهوة الشهادة، جزء صغير منه نشرتُه ف ردودي بجامعة المبدعين المغاربة ( أنظر قصيدة " شكون قال لكم أنا ماشي معايا ؟") كما ترتِ علاقة الاسم بالتاريخ وبالطبقات الاجتماعيه، وترتِ وترتِ شبكَه م الأسئله حتى تشَبكت عليَّ الأمور ...ونسيتِ راني غادي على رجلي...واحد الراس تايقول نجاوب، ما دام كل شي زعامَه ومغامرَه وهذه هي غاية السفر، وواحد الراس تايقول لي: غاية السفر هي البحث ع المزيد من الأسئله والمعرفه. أما إلى حاولت تجاوب، أنت ما عندك سلاح باش تغامر ف عالم الأجوبَه، ويلا حاولت تدخل راك محال تخرج ...
لذلك نفضل نقتحم السؤال اللي تناول علاقةْ السميه بالجسد. ولكن قبل ذلك نبغي نتساءل مع القارئ المرافقنا ف السفر " واش فكَّرنا ولو مرَّه وحده ف الفرق بين الجسد والبدن ؟... واش فكَّرنا ف الفرق بين الجسد والـﭽسده ؟. ..أو ف الفرق بين الجسد والجسم ؟
ف ديوان " ا ل جسد " تانعتقد كشفت على بعض الجوانب وفَرَّقت بيناتهم. لأن لكل كلمه معناها ودلالتها.تانتذكر أن بعض قرائي ملي اقراوا الديوان وقع لهم خلط كبير بين الجسد والـﭽسده ، بين الـﭽسده والبدن، الشي اللي دفع البعض يقولوا لي علاش ما نستعملش الـﭽسده ونهني راسي ما دام هي الأكثر تداولا ف الأوساط الاجتماعية.ملي تانسقطوا ف قُرّاء ما تايفرقوش بين جسد وﭼسده وبدن، ما يمكن إلا تتأسف ولو أنك تاتهدر معهم بلغتهم الأم ماشي بلغه غريبه.... بغيت قارئ اللي يفهم كتابتي ويفهمني من خلال كتابتي وما يكتبش عليَّ .
الجسد عندي هو الجسد لما تانتكلم ع الجسد، والبدن عندي هو البدن لما تانتكلم ع البدن، والـﭽسده هي الـﭽسده لما تانتكلم ع الـﭽسده ، وإلا فين هو النبش اللي تانقوموا به ف لغتنا ؟ وفين هو تخصيب اللغه هنا ؟.نرجع بك لديوان "ا ل جسد " ف صفحه 12 . تايقول الديوان :
مي * فين مكاني
ف حبَّةْ رملَه ف قطرَةْ ما(ء) ؟
فين زماني
ف نقطَةْ ضَو ف نفحَةْ نسمَه ؟
لاحظ معايا : مي = جسد . مكاني = جسد . حبة رملَه = جسد . قطرة ما = جسد. نقطة ضو = جسد.جسد ... جسد ...جسد لآخر الديوان اللي تايقول :
نتوالدوا بدني
نتعاودوا جسدي
نتوالدوا ... نتعاودوا... دو...دو... ذوب بدني ف جسدي
ذوب...ذوب...دور بين فصول زرعي وحصادي
دور ... دور ... دوم ف طلوعي و امتدادي
انت رساله كونيَّه تبشّر بهلال اعيادي
باقي تلقى ف اسفارك احسن من هذ الساعه
باقي تبقى ف شروق انوارك
ألِف و ياء اسيادي
( ديوان "ا ل جسد " ص: 101 )
تمنيت لو أن أحد النقاد من ذوك اللي تناولوا الديوان وقف على هذ جوج ذالأفعال " نتوالدوا بدني " ..." نتعاودوا جسدي ". وحدهم هذ الأفعال حاملين بالكثير م الأسرار والدلالات، ما نعرف آش نقول عليهم.شحال جميل الواحد يوَلَّد بدنه باش يعاود جسدُه ! وشحال جميل كذلك البدن يوَلَّد بدن صاحبه _ رفيقُه_ باش يعاودُه جسده.( لاحظ هذ العمليه الديالكتيكيه ف التوالد والتوليد المتبادل) . توَلَّد بدنك وهو تايوَلْدَك....أَوْ يولدك بدنك وانت تاتولدُه...تعاود جسدك وهو تايعاودك ، يعاودك جسدك وانت تاتعاوده....يبقى الجسد البدن الروح...الروح البدن الجسد هو الرفيق والصديق، هو الأم والأب والابن...لا ، اسمح لي. الجسد يبقى هو المايَه : الجسد المايه .. الجسد القصيده ...الجسد الغايه.
* * *اللي عجبني ف سؤالك الثاني هو أنك ربطت الجسد بالسميه قبل ما تربطه بالظل....نتمنى بعد السميه نشوفوا الظل وعلاقته بالجسد وبعدها نرجعوا للغه، لغة الزجل ونوقفوا كذلك على الزجل ونسموا مراحل نموه... قلت : نسَمِّوا. ها احنا طحنا ف السميه.ندخلوا إذن للسميه.السميه ..أو الأسماء خلقهم الإنسان كِف خلق اللغه...اللغات. الجسد سبق السميه ولكن من بعد غنلقاوا السميه تاتسبق الجسد ف سفرُه أَوْ اسفارُه وهي اللي تاتعمل له الطريق وتاتفَرَّش له وهي اللي تاتعَرَّف به أو العكس تاتنفيه أَوْ تاتمحيه أو ...
_ للجسد أسماؤه الحُسْنى ما يعرفهم غير الشاعر الفنان واللي طال على سر جسدُه مزيان.
(ديوان ا ل جسد ص : 103 )
السؤال : واش عمر شي باحث فكر يعد هذ الأسماء الحسنى للجسد اللي هي حسب تكهناتي تاتفوق 99 سميه؟
شخصيا لا علم لي.الفيلسوف جيرودو اشتغل على السميه، وهنا طبيعة السؤال ما تاتسمحش لي نلخص أفكاره ولكن إلى أنا استشهد بمقولاته ذلك غيغني دون شك الحديث. تايقول جيرود: الإسم تايسمح بفتح قفل الصندوق.
نفتحوا هذ الصندوق ونشوفوا آش غتعطينا السميه وفين غترمينا. تايقول جيرودو :الأسماء الخاصَّه مَتْمَتعَه بقيمَه سحريَّه .هذ القيمه السحريه تاتستمدها السميه ف نظري من شعرية الجسد أو الجسد المايه، وتايستمد معهم كذلك قيم أخرى اللي تايخلقها أي الجسد وتاترافقه طيلة سفره. ناخذوا اسم "ادْرِسْ "، اسم متكون من ربعه ذ الحروف عوض خمسه، حرف الياء تايحدفها سكون حرف السين، هكذا بغت القاعده ف الدارجه وف غيرها.غنلقاوا 3 ذ الحروف من خمسه موجودين ف الجسد هما : ا، د، س. هذ الحروف أو الأجساد (من حيث الحروف أجساد وهذا اللي خصنا نتافقوا عليه)، قلت هذ الحروف أو الأجساد بثلاثه ضوئيه. أما حرف الراء فهو طيني أو مائي.قراءتي للحروف ( الأجساد ) غنحاول نلخصها هنا بطريقتي كيف توصلت لها .نعتبروا الورقه صفحة الطين أو صفحة ماء، هذ الصفحه تاتعكس الضو، ومنهنا جا سر بياضها.ما فوق خط الخط _ خط لكتابه_ فهو ضوئي، وما تحت الخط فهو طيني أو مائي. والحروف اللي تاتجمع بين الضو والطين أو الماء فهي أجساد طينِيَّه ضوئيه أَوْ مائيه ضوئيه.تانقَسَّم الحروف أو الأجساد كالتالي : أجساد ضوئيه : ا ، ء ، ت ، ث ، د ، ذ ، ك ، ن ، ص ، ض ، ظ ، ط ، س ، ش ، ف ، ق ، ه ، لا .أجساد ضوئيه طينية أو مائيه ضوئيه: ب ، ج ، ح ، خ ، ز ، ل، م ، ع ، غ ، و ، ي .أجساد طينيه أو مائيه( جسد واحد) هو حرف "ر ". ( هذ الحرف شاغلني بزاف وتانفكر نشتغل عليه هو وحرف "ز" ، هذ الحرف اللي استطع يخرَّج راسُه للنور ويطل ع العالم )
حرف الهمزَه أو جسد الهمزه هو كذلك تايثرني لأنه ربما الأكثر حركه والأكثر تلاقح مع الأجساد الأخرى، حيث تايظهر وتايختفي ف أجساد أخرى.ف حركاته الضوئيه: تانلقاوه على راس الألف أَوْ تحتُه هازه على اكتافُه. تانلقاوه فوق الواو ، فوق الياء أو على السطر. أو تانلقاوه ممدود على عرشُه بحال ف " آل ... "ف خفاءه : هو جسد باطيني ، تايسكن ف بعض الأجساد الأخرى، ما تيفضحُه إلا النطق، مثلا : ب (الباء )، ت (التاء )، ث (الثاء )، ح (الحاء )، خ (الخاء )، ر (الراء) ، ... إلى غير ذلك.الهمزه ، لاحظ معايا شكلها شكل صغير وهو الجسد الصغير ف الحروف، من ثم سر حركاته وتنقلاته و خفَّة طيرانه واختفاؤه....من خلال هذ التقسيم يمكن لكل واحد فينا يقرا جسد حروفُه : سميته.الحديثين الشريفين تايقولوا : ليس في الجنة شيء مما في الدنيا إلا الأسماء .
إنكم تُدعَوْنَ يوم القيامة بأسمائكم وبأسماء آباءكم فأحسنوا أسماءكم.
لاحظ غياب الجسد ف الحديثين وحضور أجساد الجسد من خلال الاسم.حكمَه صينيه تاتقول : اسمك الشخصي هو مصيرك .مره اخرى تايغيب الجسد الأم _الأب _ وتايبقى جسد الاسم هو كل شي !!!.جسد الاسم تايمتلك سلطه فوق خارقَه ، بحيث تايمكن يحتل الأمكنه والأزمنه. تايمكن يبقى متداول صوتا وكتابة. تايمكن يموت ويحيا. تايمكن يقتل رفيقُه ويحييه....السميه بالفعل جسد خارق اعطته التكنولوجيا الحديثه إمكانية الخلود، تانقصد خلوده من خلال الصوره ، صورة الجسد وكذلك من خلال الصوت أو من خلال جسد كتاباته : إبداعاته..... إلى رجعنا للجسد، تانقصد الجسد المايه :
le corps poèmeغنقول الجسد القصيده هو اللي تايمنح ف نظري الشخصي ذك القوَّه السحريه الخارقَه، ذك الهيبَه والجلال .. ذك الهاله الضوئيه للسميه ...ف 2007 انهيت ديوان « طالع ميمونه » وهو عمل مخطوط اللي ممكن يشوف النور ف آخر 2011 م ، اشتغلت ف هذ العمل على السميه أو السميات ( الاسم المستعار .. اسم الفاعل .. اسم المفعول، لكنيَّه .. إلى غير ذلك... زجال واحد اللي اضطلع على هذ العمل هذي سنه ونصف أَوْ ربما أكثر، هو الزجال الصديق ادريس الزاوي، حيث انفعل معه بشكل غريب وكانت ارتساماته أكثر من مشجعَه. يسرني نقتطف للقراء مقطع من هذ الديوان المخطوط:
كان دايز على ساحل البحر الأعظم ، وهو يسمع صوت تايناديه " يا إدريس ... وآ ادريس2..." التفت وتايشوف رجَل جميل الخلقَه. دهشان، تساءل كيف هذ الرجل عرف سميتي واحنا ما سبقش لينا تعارفنا ولا تلاقينا من قبل .ادريس (مستغر) : كيف عرفت سميتي ؟
جميل الخلقَه : مَ العلم اللي علمني به ربي، تحب تتعلمه؟
ادريس (فرحان) : وخا.هكذا تعلم ادريس خط الرمل وعلَّم لقومه ما تعلمه، حيث ف ذاك العهد ما كانوش لوراق.
* * * * * * * *
ف بردية أمسو قبل ما يتوجد العالم ، ما كان هناك إلا الواحد. ولما جا وقت الخلق صنع هذ الواحد فمُّه ، وبفمُّه نطق بإسمه .....
السَّمْيَه اللي قام بها شمسُه.السميه اللي سمَّى بها نفسُه. أحَد .. أبَد .. صمَد .. سنَد
ألِف الألِفات
ياء اليايات
هو
انتَ
موصون السميات
سلطان السموات.افتح لي باب الفيض آيات
اشعلني بجمالك
سميني نكون نَد للسميات.فالسَّميَّه نور الذات. فالذات نور السَّميات.نسبّْعوا للسميات الجايات. للسميات الجايات نفرشوا الْوان الفرحات ... :يجيني مَنيِّ اليقين. نلقط انفاسي، نجمع الوقفَه ، نحل العين. نقدَّس نفسي. لسميتي معنى تعنيني ف كل حين . وعيي وما كشف لحلم الطين !نكون معنى بالمعنى ؟
نكون معنى للمعنى ؟
أو نكون معنى ف المعنى ونطلق الجنحين ؟
*وقال لي معناك أقوى من السماء والأرض
* وقال لي معناك يبصر بلا طرف ويسمع بلا سمع
* وقال لي إن خرجت من معناك خرجت من اسمك
وإن خرجت من اسمك وقعت في إسمي. (النفري " كتاب المواقف " )
* * *ها كما تاتلاحظ طيَّحنا سفرنا ف المعنى.فين غاديه بينا طموحاتنا الزجليه يا السايلني ؟
غاديه بينا لاستشراف نزوعنا الإنساني، تاتقول ذاتي المسكونَه بحب الخلق.ما تمشي غير فين ما مشَّتك الكتابه.والسؤال يا ساروت علي( السؤال بالفعل ساروت) : واش فكرت فيَّ أنا اللي غادي على رجلي وأنت راكب على دراجتك الفضائيه ؟.ما خفتيش نركب السهم الزمني ونهرب عليك ؟
* * *وف ختام هذ الرد على السؤال الثاني نقول بلسان قلبي :
سمِّوْني .. سمِّوْني نكون واحد م العباد.عاود سموني .. سَمِّوني واحد م لبلاد
نوريكم علاش قاد . "شهوة الشهاده"
ادريس أمغار مسناوي
10 / 09 / 2010 م تيفلت
* * * * * ترتِ كذلك تساؤل علاقة الكتابه بالخلود الفناء .. الخلود أو البقاء أو الدورَه، أو العودَه الأبديه، هذ الموضوع اخذ مني صفحات ف شهوة الشهادة، جزء صغير منه نشرتُه ف ردودي بجامعة المبدعين المغاربة ( أنظر قصيدة " شكون قال لكم أنا ماشي معايا ؟") كما ترتِ علاقة الاسم بالتاريخ وبالطبقات الاجتماعيه، وترتِ وترتِ شبكَه م الأسئله حتى تشَبكت عليَّ الأمور ...ونسيتِ راني غادي على رجلي...واحد الراس تايقول نجاوب، ما دام كل شي زعامَه ومغامرَه وهذه هي غاية السفر، وواحد الراس تايقول لي: غاية السفر هي البحث ع المزيد من الأسئله والمعرفه. أما إلى حاولت تجاوب، أنت ما عندك سلاح باش تغامر ف عالم الأجوبَه، ويلا حاولت تدخل راك محال تخرج ...
لذلك نفضل نقتحم السؤال اللي تناول علاقةْ السميه بالجسد. ولكن قبل ذلك نبغي نتساءل مع القارئ المرافقنا ف السفر " واش فكَّرنا ولو مرَّه وحده ف الفرق بين الجسد والبدن ؟... واش فكَّرنا ف الفرق بين الجسد والـﭽسده ؟. ..أو ف الفرق بين الجسد والجسم ؟
ف ديوان " ا ل جسد " تانعتقد كشفت على بعض الجوانب وفَرَّقت بيناتهم. لأن لكل كلمه معناها ودلالتها.تانتذكر أن بعض قرائي ملي اقراوا الديوان وقع لهم خلط كبير بين الجسد والـﭽسده ، بين الـﭽسده والبدن، الشي اللي دفع البعض يقولوا لي علاش ما نستعملش الـﭽسده ونهني راسي ما دام هي الأكثر تداولا ف الأوساط الاجتماعية.ملي تانسقطوا ف قُرّاء ما تايفرقوش بين جسد وﭼسده وبدن، ما يمكن إلا تتأسف ولو أنك تاتهدر معهم بلغتهم الأم ماشي بلغه غريبه.... بغيت قارئ اللي يفهم كتابتي ويفهمني من خلال كتابتي وما يكتبش عليَّ .
الجسد عندي هو الجسد لما تانتكلم ع الجسد، والبدن عندي هو البدن لما تانتكلم ع البدن، والـﭽسده هي الـﭽسده لما تانتكلم ع الـﭽسده ، وإلا فين هو النبش اللي تانقوموا به ف لغتنا ؟ وفين هو تخصيب اللغه هنا ؟.نرجع بك لديوان "ا ل جسد " ف صفحه 12 . تايقول الديوان :
مي * فين مكاني
ف حبَّةْ رملَه ف قطرَةْ ما(ء) ؟
فين زماني
ف نقطَةْ ضَو ف نفحَةْ نسمَه ؟
لاحظ معايا : مي = جسد . مكاني = جسد . حبة رملَه = جسد . قطرة ما = جسد. نقطة ضو = جسد.جسد ... جسد ...جسد لآخر الديوان اللي تايقول :
نتوالدوا بدني
نتعاودوا جسدي
نتوالدوا ... نتعاودوا... دو...دو... ذوب بدني ف جسدي
ذوب...ذوب...دور بين فصول زرعي وحصادي
دور ... دور ... دوم ف طلوعي و امتدادي
انت رساله كونيَّه تبشّر بهلال اعيادي
باقي تلقى ف اسفارك احسن من هذ الساعه
باقي تبقى ف شروق انوارك
ألِف و ياء اسيادي
( ديوان "ا ل جسد " ص: 101 )
تمنيت لو أن أحد النقاد من ذوك اللي تناولوا الديوان وقف على هذ جوج ذالأفعال " نتوالدوا بدني " ..." نتعاودوا جسدي ". وحدهم هذ الأفعال حاملين بالكثير م الأسرار والدلالات، ما نعرف آش نقول عليهم.شحال جميل الواحد يوَلَّد بدنه باش يعاود جسدُه ! وشحال جميل كذلك البدن يوَلَّد بدن صاحبه _ رفيقُه_ باش يعاودُه جسده.( لاحظ هذ العمليه الديالكتيكيه ف التوالد والتوليد المتبادل) . توَلَّد بدنك وهو تايوَلْدَك....أَوْ يولدك بدنك وانت تاتولدُه...تعاود جسدك وهو تايعاودك ، يعاودك جسدك وانت تاتعاوده....يبقى الجسد البدن الروح...الروح البدن الجسد هو الرفيق والصديق، هو الأم والأب والابن...لا ، اسمح لي. الجسد يبقى هو المايَه : الجسد المايه .. الجسد القصيده ...الجسد الغايه.
* * *اللي عجبني ف سؤالك الثاني هو أنك ربطت الجسد بالسميه قبل ما تربطه بالظل....نتمنى بعد السميه نشوفوا الظل وعلاقته بالجسد وبعدها نرجعوا للغه، لغة الزجل ونوقفوا كذلك على الزجل ونسموا مراحل نموه... قلت : نسَمِّوا. ها احنا طحنا ف السميه.ندخلوا إذن للسميه.السميه ..أو الأسماء خلقهم الإنسان كِف خلق اللغه...اللغات. الجسد سبق السميه ولكن من بعد غنلقاوا السميه تاتسبق الجسد ف سفرُه أَوْ اسفارُه وهي اللي تاتعمل له الطريق وتاتفَرَّش له وهي اللي تاتعَرَّف به أو العكس تاتنفيه أَوْ تاتمحيه أو ...
_ للجسد أسماؤه الحُسْنى ما يعرفهم غير الشاعر الفنان واللي طال على سر جسدُه مزيان.
(ديوان ا ل جسد ص : 103 )
السؤال : واش عمر شي باحث فكر يعد هذ الأسماء الحسنى للجسد اللي هي حسب تكهناتي تاتفوق 99 سميه؟
شخصيا لا علم لي.الفيلسوف جيرودو اشتغل على السميه، وهنا طبيعة السؤال ما تاتسمحش لي نلخص أفكاره ولكن إلى أنا استشهد بمقولاته ذلك غيغني دون شك الحديث. تايقول جيرود: الإسم تايسمح بفتح قفل الصندوق.
نفتحوا هذ الصندوق ونشوفوا آش غتعطينا السميه وفين غترمينا. تايقول جيرودو :الأسماء الخاصَّه مَتْمَتعَه بقيمَه سحريَّه .هذ القيمه السحريه تاتستمدها السميه ف نظري من شعرية الجسد أو الجسد المايه، وتايستمد معهم كذلك قيم أخرى اللي تايخلقها أي الجسد وتاترافقه طيلة سفره. ناخذوا اسم "ادْرِسْ "، اسم متكون من ربعه ذ الحروف عوض خمسه، حرف الياء تايحدفها سكون حرف السين، هكذا بغت القاعده ف الدارجه وف غيرها.غنلقاوا 3 ذ الحروف من خمسه موجودين ف الجسد هما : ا، د، س. هذ الحروف أو الأجساد (من حيث الحروف أجساد وهذا اللي خصنا نتافقوا عليه)، قلت هذ الحروف أو الأجساد بثلاثه ضوئيه. أما حرف الراء فهو طيني أو مائي.قراءتي للحروف ( الأجساد ) غنحاول نلخصها هنا بطريقتي كيف توصلت لها .نعتبروا الورقه صفحة الطين أو صفحة ماء، هذ الصفحه تاتعكس الضو، ومنهنا جا سر بياضها.ما فوق خط الخط _ خط لكتابه_ فهو ضوئي، وما تحت الخط فهو طيني أو مائي. والحروف اللي تاتجمع بين الضو والطين أو الماء فهي أجساد طينِيَّه ضوئيه أَوْ مائيه ضوئيه.تانقَسَّم الحروف أو الأجساد كالتالي : أجساد ضوئيه : ا ، ء ، ت ، ث ، د ، ذ ، ك ، ن ، ص ، ض ، ظ ، ط ، س ، ش ، ف ، ق ، ه ، لا .أجساد ضوئيه طينية أو مائيه ضوئيه: ب ، ج ، ح ، خ ، ز ، ل، م ، ع ، غ ، و ، ي .أجساد طينيه أو مائيه( جسد واحد) هو حرف "ر ". ( هذ الحرف شاغلني بزاف وتانفكر نشتغل عليه هو وحرف "ز" ، هذ الحرف اللي استطع يخرَّج راسُه للنور ويطل ع العالم )
حرف الهمزَه أو جسد الهمزه هو كذلك تايثرني لأنه ربما الأكثر حركه والأكثر تلاقح مع الأجساد الأخرى، حيث تايظهر وتايختفي ف أجساد أخرى.ف حركاته الضوئيه: تانلقاوه على راس الألف أَوْ تحتُه هازه على اكتافُه. تانلقاوه فوق الواو ، فوق الياء أو على السطر. أو تانلقاوه ممدود على عرشُه بحال ف " آل ... "ف خفاءه : هو جسد باطيني ، تايسكن ف بعض الأجساد الأخرى، ما تيفضحُه إلا النطق، مثلا : ب (الباء )، ت (التاء )، ث (الثاء )، ح (الحاء )، خ (الخاء )، ر (الراء) ، ... إلى غير ذلك.الهمزه ، لاحظ معايا شكلها شكل صغير وهو الجسد الصغير ف الحروف، من ثم سر حركاته وتنقلاته و خفَّة طيرانه واختفاؤه....من خلال هذ التقسيم يمكن لكل واحد فينا يقرا جسد حروفُه : سميته.الحديثين الشريفين تايقولوا : ليس في الجنة شيء مما في الدنيا إلا الأسماء .
إنكم تُدعَوْنَ يوم القيامة بأسمائكم وبأسماء آباءكم فأحسنوا أسماءكم.
لاحظ غياب الجسد ف الحديثين وحضور أجساد الجسد من خلال الاسم.حكمَه صينيه تاتقول : اسمك الشخصي هو مصيرك .مره اخرى تايغيب الجسد الأم _الأب _ وتايبقى جسد الاسم هو كل شي !!!.جسد الاسم تايمتلك سلطه فوق خارقَه ، بحيث تايمكن يحتل الأمكنه والأزمنه. تايمكن يبقى متداول صوتا وكتابة. تايمكن يموت ويحيا. تايمكن يقتل رفيقُه ويحييه....السميه بالفعل جسد خارق اعطته التكنولوجيا الحديثه إمكانية الخلود، تانقصد خلوده من خلال الصوره ، صورة الجسد وكذلك من خلال الصوت أو من خلال جسد كتاباته : إبداعاته..... إلى رجعنا للجسد، تانقصد الجسد المايه :
le corps poèmeغنقول الجسد القصيده هو اللي تايمنح ف نظري الشخصي ذك القوَّه السحريه الخارقَه، ذك الهيبَه والجلال .. ذك الهاله الضوئيه للسميه ...ف 2007 انهيت ديوان « طالع ميمونه » وهو عمل مخطوط اللي ممكن يشوف النور ف آخر 2011 م ، اشتغلت ف هذ العمل على السميه أو السميات ( الاسم المستعار .. اسم الفاعل .. اسم المفعول، لكنيَّه .. إلى غير ذلك... زجال واحد اللي اضطلع على هذ العمل هذي سنه ونصف أَوْ ربما أكثر، هو الزجال الصديق ادريس الزاوي، حيث انفعل معه بشكل غريب وكانت ارتساماته أكثر من مشجعَه. يسرني نقتطف للقراء مقطع من هذ الديوان المخطوط:
كان دايز على ساحل البحر الأعظم ، وهو يسمع صوت تايناديه " يا إدريس ... وآ ادريس2..." التفت وتايشوف رجَل جميل الخلقَه. دهشان، تساءل كيف هذ الرجل عرف سميتي واحنا ما سبقش لينا تعارفنا ولا تلاقينا من قبل .ادريس (مستغر) : كيف عرفت سميتي ؟
جميل الخلقَه : مَ العلم اللي علمني به ربي، تحب تتعلمه؟
ادريس (فرحان) : وخا.هكذا تعلم ادريس خط الرمل وعلَّم لقومه ما تعلمه، حيث ف ذاك العهد ما كانوش لوراق.
* * * * * * * *
ف بردية أمسو قبل ما يتوجد العالم ، ما كان هناك إلا الواحد. ولما جا وقت الخلق صنع هذ الواحد فمُّه ، وبفمُّه نطق بإسمه .....
السَّمْيَه اللي قام بها شمسُه.السميه اللي سمَّى بها نفسُه. أحَد .. أبَد .. صمَد .. سنَد
ألِف الألِفات
ياء اليايات
هو
انتَ
موصون السميات
سلطان السموات.افتح لي باب الفيض آيات
اشعلني بجمالك
سميني نكون نَد للسميات.فالسَّميَّه نور الذات. فالذات نور السَّميات.نسبّْعوا للسميات الجايات. للسميات الجايات نفرشوا الْوان الفرحات ... :يجيني مَنيِّ اليقين. نلقط انفاسي، نجمع الوقفَه ، نحل العين. نقدَّس نفسي. لسميتي معنى تعنيني ف كل حين . وعيي وما كشف لحلم الطين !نكون معنى بالمعنى ؟
نكون معنى للمعنى ؟
أو نكون معنى ف المعنى ونطلق الجنحين ؟
*وقال لي معناك أقوى من السماء والأرض
* وقال لي معناك يبصر بلا طرف ويسمع بلا سمع
* وقال لي إن خرجت من معناك خرجت من اسمك
وإن خرجت من اسمك وقعت في إسمي. (النفري " كتاب المواقف " )
* * *ها كما تاتلاحظ طيَّحنا سفرنا ف المعنى.فين غاديه بينا طموحاتنا الزجليه يا السايلني ؟
غاديه بينا لاستشراف نزوعنا الإنساني، تاتقول ذاتي المسكونَه بحب الخلق.ما تمشي غير فين ما مشَّتك الكتابه.والسؤال يا ساروت علي( السؤال بالفعل ساروت) : واش فكرت فيَّ أنا اللي غادي على رجلي وأنت راكب على دراجتك الفضائيه ؟.ما خفتيش نركب السهم الزمني ونهرب عليك ؟
* * *وف ختام هذ الرد على السؤال الثاني نقول بلسان قلبي :
سمِّوْني .. سمِّوْني نكون واحد م العباد.عاود سموني .. سَمِّوني واحد م لبلاد
نوريكم علاش قاد . "شهوة الشهاده"
ادريس أمغار مسناوي
10 / 09 / 2010 م تيفلت
في رحاب مكنبة الزجال ادريس امغار مسناوي
1_ مخطوطات :
في الزجل : في الرواية ( التعاويد):
۩ كذا وكذا ۩ عكاز الريح
۩ كانوا يا ما كانوا ۩ سعد البلدَه
۩ وهاوهاوه ! ۩ ألواح البوح
۩ عشير الوقت في القصة ( الخبيرة ):
۩ حتى يطلع لفجر ۩ دام
۩ شط الليل في الحكاية :
۩ حالة الطقس ۩ حكايات الشمس والظل
في المسرح :
۩ ظل النمله ۩ جاح وماح ( لوحات ساخرة)
۩ الراس ( عن سلخ الجلد للأستاذ محمد براده) ۩ صياد لكلام ( عن صياد النعام للأستاذ أحمد بوزفور)
۩ نص بلايص ( عن استمع أيها الرجل للعالم النفساني الألماني "وليام رايش" )
كتابات أخرى :
۩ كناش التعاويد ( أسئلة السفر أو سفلا الأسئلة) ۩ شهوة الشهادة ( سيرة ذاتيه )
۩ نية الما (ء) ( نصوص تأملية نشر منها قسط كبير بالمنتدى الزجل المغربي )
۩ فاكهة النار ( عمل لم يكتمل بعد )
2_ إصدارات :
۩ الواو ۩ قوس النصـ
۩ كناش العاش ۩ مجاج الريح أو ريح لمزاج
۩ مح البال
۩ تراب المعاني ( يضم 4 دواوين : قلت لراسي ما قلت لحد / شحال ف الساعة / ضد الضد / جا ... ف )
۩ ا ل جسد ۩ بخ الورد
۩ مقام الطير ۩ طالع ميمونَه
۩ شهوة الضو ۩ تاعروروت ( رواية بالدارجة)
۩ حتى يكبر حظي ۩ تويشيات
۩ سارحين الزمان ( نص مسرحي)
ترجمه :
ترجمت له مجموعة من القصائد إلى مجموعة من اللغات الحية
كما ترجم له ديوانين للإنجليزية " الواو " ، و "كناش المعاش "
مسرح : مسرح بعملين :
۩ قوس النص
۩ كناش المعاش ( تحت عنوان " هو" الذي فاقت عدد عروضه بالمغرب 32 )
۩ مجموعة من المسرحيين وظفوا أزجاله في أعمالهم ...
۩ ثم السطو في التسعينيات على أحد أعماله المسرحية من طرف كاتب ومخرج مسرحي حيث نسبها إليه.
الموسيقى :
لحنت له مجموعة كبيرة من القصائد من طرف :
۩ إدريس الشافي ۩ سعيد الخمليشي ۩ سعيد هبال
دواوين تحت الطبع :
۩ أنا هذاك ۩ فاش جيت
۩ شحال ف الحياة ۩ ملي كنت باقي حي
۩ ند الروح ۩ ياه
۩ دموع الضو أو ضو الدموع
رواية تحت الطبع : ۩ عكاز الريح
قصيدة " وريني ك خرجت الصورة " للزجال ادريس امغارمسناوي
بين ادريس لمريني* و والت وتمن *
تفتَّح زهر الحس
والوقت جاري للاّ سيدي على جناح الحدس
ترقص الشهوَه ف احلام الظل
يغني المعنى ف حضرة لمقدَّس.
عروسة النهار
واقفَه على رجل وحدَه
حايرَه آش تلبس !
دارت فيَّ
" خرَّج صورتك آ معشوقي
تشوفني نفسي فيك
بنار شوقك نتنفَّس "
* * *
2
نتحل ضوّايَه منين يدخل الشك
ويخرج السؤال
يطير عقلي لعقلي لاخر
نرمق الفالتَه للعين
نشد الهاربَه للخيال
مع عنادي نتنافس.
من فضلي .. إلى جا خاطركم عليَّ
نوَرِّيكم كِ خَرْجَت الصورَه ؟
الصورَه صورتي
وصورتي ف مرايه
ولمرايه شربت حروفها من زين الطقس
يدخلني فيها الحاضر فايق
من قال ناعس ؟
* * *
3
الحلمَه سر
تدق على حدسي
تفَيَّق ف الذاكره الناعس
نكون كِ نويت نكون
على عود ريحي فارَس .
ناخذ وعيي يتشمَّس
نتخيل المجهول
نتَرْمى فيه
نوصل لْ راسي نبوسُه
نكون على ايامي رايس .
* * *
من فضلكم ..
إلى جيت على خاطركم
ورِّوْني كِ جات الصوره ؟
نعرف فين أنا ؟
ومع من أنا ؟
ولمن أنا معرّس ؟
*
اهدافي حيَّه
تجي قدّام الزمان
من قال بعت ضوي للشيطان ؟
ونا طامع نملك يقين الغايه ف حياة الإنسان.
*
تسكني هِبَةْ اللغَه
تحبل بيَّ لَهْبَة لقصيدَه
تشعل فيَّ رهْبَة اللحظه
نولد اميمتي
ننسى بويا
ف كرش حفيدتي
تلقني الذات
يتشهَّني الحظ
تكُونْني الحياة
يتَرمى فيَّ المستقبل
نكونوا "احنا"
ف شمس الوعي
تكبر "احنا"
ف عرس النجوم
تكثر "احنا"
تكبر .. تكثر ...
تكثر .. تكبر
حتى تولي « أنا » واش من أنا !
تكذَّب خرِّيفة لَفْنا أسطورة لفنا
يصدَّق غيام لَهْنا ريح لهنا
نطيح ف حالتي البدنيَّه
نلقى جسدي هو عنوان السكنى
ياك أنا تولدت
ف ألفين وتسع ماية وكذا من سنَه ! ؟
ياك العام الماجي والشهر الماجي
كنت هنا ! ؟
ياك أنا قلم وقاد بجنَّه ؟
* * *
4
يـا مجهولي
إلى مشَت على خاطرك
ورِّي للصورَه كيف خْرَجْتْ
ياك أنا هو انتَ لاخر
وانتَ لاخر هو أنا إلى تلفت...
تيفلت : 21 يونيو /01 / 02/03 يوليوز 2010 م
_____________________________________
ادريس لمريني : زجال مغربي اكتشف القصيدة النثريه ف القرن 9 ه
والت وتمن : شاعر أمريكي اكتشف القصيدة النثرية فالقرن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.